Dynámalaš kártengeahččaleapmi matematihkas 1.-5. ceahki ohppiide ja 5.-10. ceahki ja joatkkaskuvlla ohppiide

Dynámalaš kártengeahččaleapmi gávdnu sihke 1.-5.luohká ohppiide ja ohppiide 5.-10 luohkái. Geahččaleapmi addá buori ja relevánta dieđuid go galgá čađahit heivehuvvon oahpahusa.

Fakta og tilgjengelighet

Forside kartleggingsmateriell

Kategori: Sammensatte lærevansker, Matematikkvansker, Matematikk, Småtrinnet (1.-4.), Mellomtrinnet (5.-7.), Ungdomstrinnet, Kartleggingsmateriell, Nordsamisk

Språk: Davvisámegillii

Pris: Nuvttá

Format: PDF

Forfatter: Svein Aastrup lea ráhkadan kártengeahččaleame. Tor Persen ja Kirsten Wirkola leaba heivehan dan davvisámegillii ovttas Svein Aastrup:ain.

Utgiver: Buvttadeaddji: Sámi earenomášpedagogalaš doarjja (SEAD)/Statped Statped tlf. 02196 ISBN 978-82-323-0087-7

Les omtale av Dynámalaš kártengeahččaleapmi matematihkas på norsk her.

Dynámalaš kártemiin oaidná mo oahppi jurddaša go son bargá matematihkain. Dat čájeha maid oahppi nákce doarjaga haga, ja oaidná oahppi oahppanpotensiála go oažžu doarjaga ollesolbmos geas lea buorre gelbbolašvuohta matematihkas. Go oahpaheaddji lea čađahan dynamálaš kártema, de lea ožžon ollu dehálaš dieđuid mo galgá čađahit heivehuvvon oahpahusa.

Ávdnasat mat gullet kártengeahččaleapmái vieččat nuvttá neahtas.

Sámediggi lea ruhtadan prošeavtta.

  • Dát kártenveahkkeneavvu lea jurddašuvvon oahpaheddjiide geat dáhttot kártet ohppiid geat rahčet matematihkain, nu ahte nákcejit fállat daid ohppiide buori, heivehuvvon oahppofálaldaga fágas. Ovdal go skuvla váldá atnui kártenávdnasiid, de ferte sihkkarastit ahte son guhte galgá kártet, lea oahpaheaddji geas lea nana gelbbolašvuohta das movt mánát ja nuorat ohppet matematihka. Oahpaheaddjis berre maid leat máhttu diehtit dan guđelágan dovdomearkkat ohppiin leat geat rahčet matematihka oahppamiin.

    Oassi dán mállet kárteniskkadeami dynamihkas lea ahte kártenjođiheaddji doarju oahppi, dan láhkái ahte ii aktiivvalaččat hábme čovdosiid dahje čilge, muhto nu ahte geažida dan láhkái ahte veahkeha oahppi iežas jurddašit, dávjá geažida gažaldaga hámis. Seammás hástaluvvo oahppi gaskkustit movt son ieš jurddaša guđege bargamuša čoavdima oktavuođas. Diekkár gaskaneaskka gulahallamiin, ja go kártenjođiheaddji seammás maid observere oahppi, oažžu son gova das maid oahppi máhttá dahje ii máhte, movt oahppi máhttá bargamušaid ja manne vállje bargat nu go bargá. Diekkár dilálašvuođain lea hui dehálaš dat man láhkái kártenoahpaheaddji divvu gažaldagaid oahppái.

    Sisdoallu ja struktuvra

    Dynámalaš kártengeahččaleapmi matematihkas sistisdoallá dáid:

    • giehtagirji
    • notáhtaárkkat kártenjođiheaddjái
    • bargoárkkat oahppái 

    Oahppi oahpaheaddji berre čađahit kártema danne go

    • Kártenjođiheaddji berre dovdat oahppi bures – dovdat oahppi beroštumiid, rašes ja nanu beliid ja guđelágán gielalaš buvttadeamit oahppis lea.
    • Lea dehálaš oažžut oadjebas kártendilálašvuođa.
    • Kártenbargguin oažžu dehálaš oasi dan vuđđui masa oahpaheaddji viidáseappot galgá hukset heivehuvvon oahpaheami.

    Kárten čađaheapmi lea dan meare viiddis ahte dan berre juohkit máŋgga oassái ja čađahit dan guhkebuš áiggis. Ovdal go álggaha kártengeahččaleami, de galgá čilget oahppái manne geahččaleami áigu čađahit. Dynámalaš kártema ulbmil lea nákcet ráhkadit nu buori heivehuvvon oahpahusa go vejolaš matematihkas. Jus dainna galgá lihkostuvvat, de ferte oažžut čielgasii oahppi gelbbolašvuođa, movt oahppi resonnere ja mii dagaha ahte son cohkko. Danin berre ge ráhkkanahttit oahppi dasa movt galgá čilget dahje earaláhkái čájehit mo son jurddaša.

Fant du det du lette etter?

0/250
0/250

Takk for din tilbakemelding!