Matematihke maanagïertesne | www.statped.no

Matematihke maanagïertesne

Matematihke maanagïertesne  lea dorjesovveme juktie vuesiehtidh jïh skreejredh öörneldihkie matematihkine barkedh maanagïertesne. Gærjesne jïjnjh vihties raeriestimmieh guktie maahta ïedtjem matematihkese skreejredh.

Matematihke maanagïertesne  raeriestimmieh åtna guktie maahta viehkine stååkedimmeste, spïelijste, gærjijste jnv., maanan gïelem evtiedidh. Dam vuesiehtamme dovne tjaalegigujmie jïh guvviejgujmie.

Maanah eensilaakan, dæjpeles jïh vihtieslaakan ussjedieh. Gosse maanah stååkedimmien tjïrrh matematihken maallh jïh ussjedimmievuekieh vueptiestieh, dle sijhtieh ånnetji ånnetji matematihkegoerkesem evtiedidh sijjen aarkebiejjien, jïh dam nuhteligs dïrreginie raerhkedh orre voerkesvoetide.

Stååkedimmien tjïrrh maanah daamtaj matematihken dïejvesh dåastoeh. Daate darjomegærja edtja viehkine årrodh maanagïerten barkijidie, guktie dah vueptiestieh jïh skraejriem åadtjoeh juktie buerebelaakan maanide skreejredh guktie dah sijjen matematihkeles maahtoem evtiedieh jïjtsh darjomen jïh gïelen tjïrrh.

Stååkedimmie lea vihkeles maanaj matematihkeevtiedimmesne, jïh maanaj stååkedimmie byöroe jarngesne årrodh. Dah geerve almetjh maanagïertesne tjuerieh sjïehteladtedh ihke maanah edtjieh nuepiem utnedh matematihken dïejvesh dåastoeh. Matematihke ij leah ajve taalh jïh ryökneme, men akte dïrrege juktie veartenem jïh jïjtsh dahkoeh guarkedh jïh buerkiestidh.

Darjomekåarhtide golme sjïere bieline juakeme:

D- Dåeriesmoerh loetedh jïh gïeleevtiedimmie

G- Geometrijen  goerkese

T- Taalegoerkese

 

Kirsten Wirkola, Tor Aslak Persen jïh Anne Dagmar Biti Mikalsen leah Darjomegærja-Matematihke maanagïertesne  dorjeme.

Nöörjen Saemiedigkie lea dåarjoem vadteme daan gærjese.

(©) ČálliidLágádus – TjaelijiBertemen – Authors’Publisher 2014

Grafihke barkoe: ČálliidLágádus
Print: Waasa Graphics Oy, Vaasa
ISBN 978-82-8263-004-7

 

 

 

Fant du det du lette etter?

0/250
0/250

Takk for din tilbakemelding!