Matematihkka mánájgárden | www.statped.no

Matematihkka mánájgárden

 

Matematihkka mánájgárden  galggá buojkulvisájt vuosedit ja måvtåstuhttet systemáhtalattjat barggat matemáhtihkajn mánájgárden. Girjen li konkrehta oajvvadusá gåktu matematihkkaberustimev arvusmahttet. Skálmán Matematihkka mánájgárden le edna oajvvadusá gåktu ståhkusij, spelaj, girjij jna. máhtá barggat åvdedittjat máná gielav. Buojkulvisá vuoseduvvi sihki gåvåj ja tevstaj.

Girjje dættot ållessjattuk láhtjá buorre dilijt mánájgárden, mánájt måvtåstahtátjit ja aktijvalattjat ja positijvalattjat mánáj siegen barggat. Máná dájdulattjat, praktihkalattjat ja konkrehtalattjat ájádalli. Gå máná stågadahttijn ájttsi matematihkkahámijt ja ájádallamvuogijt, de maŋenagi åvdedi matematihkkadádjadusáv ietjasa árggabiejven ja abstraheriji dav ávkálasj vædtsagin ådå diedulasjvuodajda.

Stågadahttijn dejvadi máná álu matematihkkamoallánagájda. Dát doajmmagirjje galggá liehket viehkken ájttsat ja måvtåstuhttet mánájgárddebarggijt, váj buorebut máhtti arvusmahttet mánájt åvddånahtátjit matematihkkamáhtudagáv ietjasa dåjmajn ja giela hárráj.

Girjje l ájádaláduvvam mánájgárddáj, valla dåjma aj hiehpi buoragit skåvllåmánájda gudi e matematihkajn ållu buoragit rijbada.

Ståhkam le ájnas máná matematihkaåvddånime hárráj, ja máná ståhkam bierri liehket guovdátjin. Ållessjattuga mánájgárden vierttiji dilev láhtjet dan láhkáj váj máná oadtju vejulasjvuodav dejvadit matematihkkamoallánagáj. Matematihkka ij la dåssju lågo ja riekknim, valla dádjadit ja tjielggit værálda ja ietjas dåjmajt.

Gålmå suorggáj lip doajmmakårtåjt juohkám:  

H – Hásstalusájt tjoavddet ja gielladádjadibme
G – Geometralasj dádjadibme
L – Låhkodádjadibme

Doajmmagirjev li Kirsten Wirkola, Tor Aslak Persen ja Anne Dagmar Biti Mikalsen dåjmadam, aktan Áltá sijda barggij, gudi prosjæktajuohkusij sæbrrin. 

Sámedigge, Nuortta Statped ja Sáme sierrapedagogalasj doarjja li rudájt prosjæktaj juollodam.

(©) Dåjmadiddje ja ČálliidLágádus 2010
Julevsábmáj: Solvår Knutsen Turi
Gráfalasj bargov vássteda ČálliidLágádus
Prienntim: Waasa Graphics Oy, Vaasa
ISBN 978-82-8263-004-7

Fant du det du lette etter?

0/250
0/250

Takk for din tilbakemelding!